~*Zucchini*~

放工返屋企又想食住家飯，碟頭飯就又快又好味!!

Zucchini中文叫翠玉瓜/夏南瓜。鍾意佢軟綿綿甜甜既口感,用黎炒又得，BBQ又得,以前起澳洲就會用西式煮法，跟home stay既意大利人加雞蛋面粉炸,外脆內軟，yummy ~~~~~~ 😛

講返今晚既晚餐, 翠玉瓜炒肉片，見雪櫃仲有d用剩既雲耳,加埋落去........我好鍾意食雲耳。😉

食譜:

翠玉瓜 一條

豬肉 適量 (可用雞肉/牛肉代替)

雲耳 隨意

1.翠玉瓜，豬肉切片。豬肉用生抽,麻油,頭粉調味。

2.雲耳浸軟身。

3.燒熱油，炒香豬肉片，盛起備用。

4. 翠玉瓜略炒致軟身，下豬肉片及雲耳致熟透。